మాతంగి పద్యము

 వినిపించె నేదేవి విమల గాంధర్వంబు
    మాణిక్య వీణపై మరులు గొలుప
సాక్షాత్కరించె నేజలజాక్షి కోమల
    శ్యామలామల తనూచ్ఛాయతోడ
సంగీత సాహితీ స్తనపటీర సుగంధ
    మీదేవి నీకైత నివతళించే
చూపించె నేదేవి సుఖ పరమావధి
    ఆనందకాననాభ్యంతరమున
ఏ మహాదేవి నాయందు కృప వహించి
   నన్ను రమణీయ రస జగన్నాథు జేసే
ఆ మహాశక్తి మాతంగి ప్రేమమూర్తి
    శ్యామలాదేవి నను సదా సాకు గాత ||

శ్రీ శ్రీ శ్రీ సిద్ధేశ్వరానంద భారతీ స్వామి