Wednesday 4 May 2016

శ్రీ దీపాలపిచ్చయ్య శాస్త్రి గారి "చాటుపద్య రత్నాకరము"

0 comments
మనసిజుని మామ మామ యభిమానండంచిన వాని మామ నామ్ 
దనుని విరోధి నందనుని నందను సుందరి మేనమామ జం
పిన జగజ్జెట్టి బోడి జేసినా శూరుని తండ్రి గన్నుగన్
గొనిన సురాధినాథుని తనూభవు వాయువు మీకు నయ్యెడున్



భారతము,భాగవతము లోని కథలు తెలిసిన వారు ఈ పద్యములోని వ్యక్తులను గుర్తించి వారిని యిందులో పొదిగిన తీరుకు ఆశ్చర్యపోతారు.ఇంతకూ యిది ఆశీరమృతాన్ని కురిపిస్తున్న పద్యము.ఈ చాటువు వ్రాసిన కవి ఎవరో కానీ తన పద్యము చదివిన వాళ్ళను దీవిస్తున్నాడు.శ్రీ దీపాలపిచ్చయ్య శాస్త్రి గారి "చాటుపద్య రత్నాకరము"
లోనిదీ పద్యము.


తా:--మనసిజుని మామ=చంద్రుడు,అతని మామ దక్షప్రజాపతి, అభిమానాన్ని అంటే గర్వాన్ని అణచిన వాడు శివుడు, ఆ శివునికి మామ హిమవంతుడు,అతని నందనుడు మైనాకుడు,ఆ మైనాకుని విరోధి(ఇంద్రుడి) కొడుకు అర్జునుడు అతని కోడుకి అభిమన్యుడు,అతని భార్య ఉత్తరకు మేనమామ కీచకుడు
ఆ కీచకుని చంపినవాడు భీముడు, అతని కుమారుడు ఘటోత్కచుడు,అతడిని చంపినవాడు కర్ణుడు
ఆ కర్ణుని కన్నతండ్రి సూర్యుడు,ఆ సూర్యుని కన్నుగా గలవాడు విష్ణువు,అతని కొడుకు బ్రహ్మ ఆ బ్రహ్మ
యొక్క ఆయువు మీకు కలుగు గాక.అంటే దీర్ఘాయుస్సు మీకు కలుగు గాక అని దీవెన

0 comments:

Post a Comment